الاخوة الكرام
كل عام وحضراتكم بخير
سؤال يتبادر الى ذهن الجميع؟؟!!!
النت اتفصل من الروتر
النت اتفصل من الشركة
النت اتفصل من كابل التليفون
هانعمل ايه فى اتصالات الناس وكل واحد بقى هاقعد اقوله فى التليفون متزعلش ياجميل ياطعم اصل النت فاصل من الروتر؟؟!!! بكده لو الشبكة كبيرة هايجيبوا لك شلل اطفال مركب ثلاثى ورباعى وفور باى فور كمان
العميل اول مابيطلع البيت بتاعه بيروح واخد التشطيفة التمام..وعامل كوباية الشاى بحليب ال 100 100
ولابس طقم القطونيل بتاعه(علشان الحر) وقاعد بلبوص كده فى قلب البيت ويروح مشغل الكمبيوتر بتاعه
اوبا مافيش نت
هنا بقى اللحظة الحاسمة اللى بيبقى قرر انه يتصل عليك فيها ومعندوش مانع يكرر الاتصال مليار مرة(ماهى الرنات ببلاش) بس المهم انك هاترد يعنى هاترد مالوش دعوة بقى انت والع بجاز ..مع مراتك:::مع عيالك...بتطفح لقمة..بتستحمى...مالوش فيه
الراجل دافع لك جنيه بحاله طول اليوم لازم ياخد بيه كله
احييييييييييييييه
طيب مااحنا نرحم دماغنا من ام الجدع بتاع القطونيل ده
ونعمل الحل بتاع عمو شادى سوفت اللى مبيبطلش كتابة فى الميكروتيك والشبكات؟؟
راجل الله يسامحه شادى سوفت ده خلى العيال اللى فى شبكتى من كتر كتاباته كل واحد يعمل له شبكة جنب منى؟؟!!!
هههههههه شرير اوى انا مش كده؟؟
طيب تعالوا نخش فى الموضوع..
انا هافهمهما لكم كده اورديحى باللغة العامية المصرية الدمياطية
انت هاتقول للسيرفر اقعد هنا خد بالك من المشتركين على مااجى
وعاوزك ياعم السيرفر تمسك ام الموقع ده كل شوية تبنج عليه
اداك نت وشغال تمام وانت كده اخر حلاوة
مش اداك نت ولقيته اتوكس اتنيل انت بقى ياعم السيرفر
تروح جرى على صفحة انا حاططها لك فى ملف الهوتسبوت
تطلعها للناس وتقولهم النت فاصل يابنى ادمين وبنصلحه وحلوا عن دماغ الجدع اللى مقعدنى هنا
ولما يرجع النت انت زى الامور كده ترجع النت للناس وتصالحهم
ولا من شاف ولا من درى
فهمت ياعم الميكروتيك؟؟؟
يارب تكون انت كمان فهمت ياعم الشبكنجى
شوفوا الفيديو ده الاول
طيب الرولات انا عاملها فى وصف الفيديو بس علشان الناس اللى بيقولوا لك فين؟..
اتفضلوا رابط تحميل الرول كامل
اظهار صفحة فى حال فصل النت من الشركة..كل الاوامر..شادى سوفت
ورابط الصفحة كاملة
صفحة الاعلان فى حال انقطاع الانترنت
.jpg)
0 التعليقات لموضوع "اعلان لو النت اتفضل من السيرفر فورى علشان المشتركين netwach"
الابتسامات الابتسامات