بخصوص تصاريح تركيب الشبكات وتشغيلها كلام اخير للفصل فى قانونيتها من عدمه..

غير معرف

7:02 ص

0 تعليقات

شاركه غرد جوجل+

السلام عليكم ورحمة الله وبركاته

الكثير يتساؤل عن قانونية تركيب الشبكات اللاسلكية؟؟

هو ينفع اعمل شبكة لاسلكى ولا لا؟

طيب هو ينفع اخد تصريح؟

طب لو الحكومة عرفت بالشبكة بتاعتى ايه وضعى؟

شوفوا ياجماعة....

اللى هاكتبه ده حقيقى وامر واقع مش استرسال ولا مجرد كتابات...

80 فى ال 100 الان فى مصر عاملين شبكات سلكية و 60 فى 100 عاملين شبكات لاسلكية...

لو الحكومة طبقت قانون الاتصالات الخاص بها..هايبقى انا وانتم  بالصلاة على النبى بناكل اجدع حلاوة رشيدى الميزان ام فسدق

مع مسؤلين البلد الكبااااااااااااااااار فى طرة وابو زعبل ونطرون !!!!!

قانونيا من تقريبا 2004 اتلغى تصريح تركيب اى شبكات وايرليس فى مصر مش كده وبس لا واتلغى كمان تركيب الشبكات

السلكية لان الشركات فى تعاقدها معاك فى الخطوط انت بتمضى ان ده استخدام شخصى فقط ..مينفعش حتى تاخد وصلة لاخوك

فما بالك بقى وانت مطلع وصلات لامة لا اله الا الله؟؟؟

لو استفدت ساعدنى بنشر الموضوع :

قانونا الاتصالات تحرم عمل الوصلات..بالاضافة الى ان الترددات مملوكة للدولة محدش يقدر يتعامل فيها الا بموافقة الدولة

طب محدش سال نفسه سر لما يلاقى جهاز مكتوب على موقعه 300 جنيه ويشتريه هنا من مصر ب 800 جنيه؟!!!

ايه السبب؟؟ الاجهزة داخلة تهريب..التاجر بيقبض والمطار بيقبض واللى شال بيقبض وبتبقى جمعية استهلاكية لحد ماتوصل لك

ياغلبان وانت اللى بتدفع للناس دى كلها!!!!

التردد 2.4 فيه اتفاق ضمنى فى الحكومة بتركه وعدم المحاسبة عليه الا فى حال البلاغات والمصنفات تكون قفشته فعلا

التردد 5 جيجا هيرتز مراقب ولكن غير مؤثر لعدم استخدام الدولة له

التردد 900 و 1700 و 1900 محرم نهائيا ويجيب الكلابوش فى لحظة بمجرد البث به هاتتجاب هاتتجاب..

ده تردد  بيدفع له مليارات للدولة للاحتكار وملايين للتامين علشان محدش يقرب منه تخيل انت بقى تشتغل بتردد الحيتان دى

بالنسبة للشبكات اللاسلكية كلنا شغالين مش هايحصل مشكلة الا فى حال تبليغ شرطة المصنفات والشرطة تنزل لك وتلاقيك

متلبس..تروح هوبا تلفك فى ملاية انت واجهزتك وتنزل بفضيحة ام المطاهر وتصادر اجهزتك والسلام عليكم

لكن لو محدش يعرف عنك حاجة هاتبقى فل الفل ولا الهوا...

احنا كنا من اوائل الناس اللى سعت للحصول على تراخيص الشبكات واخدنا فعلا ترخيص لكن بعد 2004 تم الغاء كافة

التصاريح للجميع بلا استثناء

صورة التصريح

زيارة موقع وزارة اتصالات بمصر

لو استفدت ساعدنى بنشر الموضوع :