لو الاكسس ضرب منك سوفت او لمباته معدتش بتنور او نزلت له سوفت غلط ومش عارف تدخل عليه..حل المشكلة tplink 701 vs 741

غير معرف

2:42 م

0 تعليقات

شاركه غرد جوجل+

السلام عليكم ورحمة الله وبركاته.

الاعضاء الكرام..

طبعا لو الاكسس 741 ضرب منك سوفت بتبقى مشكلة جامدة جدا جدا..

ولو الاكسس 701 عمل نفس الفيلم بتبقى مشكلة جامدة ..

كان فيه حل عن طريق يو اس بى نوكيا وتلحم من جوه وافشخنات كبيرة وساعات كمان اليو اس بى ميتعرفش...

النهاردة الحل بسيط جدا..

ادوات الحل..

(1) كاوية لحام (اى مكوة لحام عادية)

(2) اكسيس 701 او 741 سليم اخو اللى باظ منك..(يعنى لو هاتصلح 741 هات واحد تانى سليم من الشبكة..

ولو هاتصلح 701 هات واحد اخوه سليم من الشبكة...متقلقش الاتنين هايرجعوا احسن من الاول)

الاجراءات..

(1) باستعمال مكواة اللحام قم بفك القطعة دى من الاكسس (ايسى الفلاش..) برفق جدا علشان ارجلها متطيرش

سواء اكسس 741 او 701 هات ايسى الفلاش السليم اللى فى الاكسس السليم..

(2) فك نفس الايسى من الاكسس اللى واقع سوفت وحط بايدك الايسى السليم متلحموش اضغط بايدك فقط..

(4) اول مالمبة اللان تنور والبينج يشتغل تمام شيل الايسى مالوش لزمة دلوقت

(5) وصل الاكسس كهرباء وافتحه هاتلاقيه 

192.168.0.1

او

192.168.0.254

حسب نوع الاكسيس

ادخل باليوزر والباص

admin

admin

ادخل بقى عادى ومن الفيرموير اختار رفع السوفت

حط السوفت الاصلى وانتظر حتى الاكتمال...

(6) دلوقت الحم كل حاجة مكانها والف مبروك الاكسيس شغال

انت بكده رجعت الاكسس بتاعك الى الحياة..

لو مش بتعرف تفكه روح لاى حد صاحبك بتاع موبايل خليه يفك لك الايسى..ويبقى بعد العملية يلحمه لك

طبعا بتجيب اكسس اخوه عليه السوفت الاصلى طبعا

تحياتى لكم 

شادى سوفت

مدونة ميكروتيك العرب