العملاق يعود ويتحدى الجميع mikrotik-metal-2shpn تم التعديل ليعمل بكفاءة رهيبة..حل كل مشاكل الميتال

غير معرف

12:09 م

0 تعليقات

شاركه غرد جوجل+

السلام عليكم ورحمة الله وبركاته..

الاعضاء الكرام..

اهلا وسهلا بكم مرة اخرى معنا فى مدونة ميكروتيك العرب..

موضوعنا اليوم عن جهاز الميتال هاى باور (30 ديبى) 1 وات يعنى اقوى جهاز يعمل على تردد 2.4 جيجا هيرتز

يدعم اللاب توب والموبايل والاكسسات..

الصدمة حدثت اول مالجهاز نزل والجميع اشتراه...

الناس بقت بتبرمجه تحت الدنيا شغالة فائقة الجمال والروعة...

تطلع تركبه على البرج يشوفوا السواد كله ..بيقطع بيهرب بيفصل بيعمل ريستارت....يالهوى

طبعا اللى اشتراه بعد ماشاف اداؤه بره عمل كده

النهاردة بقى جايب لكم حل مجرب من احد الاعضاء والنتيجة بتاعته كمان..

الحل كان يتلخص فى الاتى..

(1) قم بازالة الغطاء المعدنى للميتال وابحث عن  بروسيسور الجهاز هاتلاقى 2 واحد فى الوش وواحد بالظهر

(2) البروسيسور مكتوب عليه ازيروس 

(3) احضر 2 مشتت رفيعين علشان تعرف تركب الغطاء تانى المعدنى.المشتت تجده فى الريسيفرات لو عندك

(4)الزق المشتت بعجينة تبريد البيضاء كلنا عارفينها على كل بروسيسور من البروسيسورات الموجودة 2

(5) اعد تركيب الغطاء المعدنى ثانية وانظر بنفسك الى الفرق فى الاداء...

(6) لو معاك اكتر من مشتت حط على رامات الجهاز بالمرة مافيش ضرر بالعكس افادة لك..

صورة مكان البروسيسور

صورة الميتال من الداخل

النتيجة مع العضو الذى قام بتجربة 5 قطع فى اماكن مختلفة..

رمى مع العضو 4 كيلو كاملين انترنت وكمان كان مركب انتنا 12 ديبى فقط...

الموضوع ياجماعة واضح وضوح الشمس...

شركة يوبيكويتى بجلالة قدرها لما نزلت البوليت 29 ديبى كانت عارفة المشكلة دى فى الاصل والاساس..

مشكلة الحرارة التى تؤدى لتسخين البروسيسو وتحدث كافة المشاكل المذكورة..

بصو كده البوليت من جوه راكب عليه المشتت ازاى؟..

يعنى يبقى جهاز 800 ملى وراكب عليه مكثف لتشتيت الحارة وجهاز الميتال 1600 مللى ومش راكب عليه اى بتنجان ازرق؟..

سوء حنكة من شركة ميكروتيك ولكن الحمد لله تم حل المشكلة نهائيا..

اعضاء اخرين قاموا بنزع الجسم المعدنى وتركيب مشتت ووضع الميتال بووتر بروف وكمان مروحة داخلية ونتيجة مذهلة

الجهاز قوى جدا جدا..

نرجو تجربة الحل وانا واثق تمام الثقة من نجاحه معكم؟..

وبهذا يتربع الميتال على العرش فى شبكات التردد 2.4...ومنها برضه انك ممكن تعمله سيرفر لوحده للوايرليس كمااااااااان

تحياتى لكم شادى سوفت

مدونة ميكروتيك العرب