لو عاوز جهاز يخترق الجدران نوعا ما باشارة تعطيك 300 ميجا بايت داخل المنازل الموضوع ده يفيدك TL-WA850 RE

غير معرف

4:24 م

0 تعليقات

شاركه غرد جوجل+

السلام عليكم ورحمة الله وبركاته

اعضاء المدونة الكرام..

كلنا عندنا حلم اختراق العوائق والجدران!!!!!

عاوز اوضح نقطة فقط....

احنا كلنا شغالين فى ابو بلاش....يعنى ايه؟...يعنى شغالين فى الهوا البلوشى براحتنا...والبلوشى طبعا نطاق عريض..

ممكن نشبهها بحاجة كلنا عارفينها وبنعملها يوم الجمعة بعد الصلاة....

لو الحاج ابوك او انت او حد من جيرانكم عنده عربية وبعت لك استدعاء لغسيلها...طبعا بتشمر البنطلون لحد صدرك

وتنزل جرى من غير شبشب وتشد الخرطوم وتجرى على العربية تحسس الناس ان هيئة المطافى وصلت.هههههههه

كل الهرى ده مالناش فيه انا بقى عاوز اركز على اللقطة اللى جاية دى...

هاتمسك الخرطوم وتغسل العربية لو انت ضغط على راس الخرطوم هايبعت مياه لبعيد...

طب اضغط كمان على راس الخرطوم بزيادة مسافة ابعد....شيل ايدك من على راس الخرطوم...المياه قريبة بس كتيرة

طب تعالا يامعلم بقى خش زى الوحش كده واضرب الخرطوم فى الحيط؟...هل نقطة مياه واحدة هاتعدى؟؟؟؟

نفسرها بقى بمفهوم الشبكات والترددات ونطاق وعرض الموجة(كلكعة يعنى بكرهك فى نفسك)..ههههه

الخرطوم هو جهاز الارسال بتاعى ..راس الخرطوم هو ال 11 ميجا او ال 54 ميجا او ال 150 او ال 300 ميجا

وده يفسر ان ال 11 يرسل مسافة ابعد وال 300 اقل....

بس اصحاب الشبكات لاحظو حاجة مهمة جدا جدا..

ان بالرغم ان ال 300 ميجا  اشارته اقل ولكنه يخترق فى بعض الحالات الغرف فى المنازل (طبعا دخل من الباب او الشباك)

مش من الحيط..بس ايه اللى حصل خلى العميل يشتغل؟...

اللى حصل ان الترد حجمه عريض 300 ميجا فعلى مايوصل للعميل من خلال الباب او ماشابه هايبقى على الاقل 150 ميجا

فبكده العميل برضه هايشتغل زى الفل...

وعلى فكرة ده اللى يفسر ليه العميل بيشتغل من على الجهاز ال 300 ميجا بشرطة واحدة احسن من اى جهاز مقفل شرط..

طيب نستعرض صور جهاز اليوم اللى جربته بالمنزل عندى..

طبعا الجهاز علشان شكله زى جهاز الناموس للاسف عطيته لاحد العملاء زمان شهر كامل...

اتصل بى وقالى النت من يوم ماشغلتنى مشتغلش ولا يوم....

روحت له المنزل اشوف المشكلة ايه ملقتش الجهاز شغال....

ولما سالت عليه قالى ..هو ماله ومال النت انا مبشغلوش الا بالليل قبل ماانام علشان الناموس الله يبارك لك مافيش هاموشة...

كان نفسى اتف فى وشه بس علشان عياله ميحسوش ان ابوهم اهبل خدت الجهاز وشديت للراجل سلك مسافة 200 متر

علشان بس ميجيليش جلطة بسببه..وطبعا طلعت انا انصح منه وبقيت بشغله بالليل قبل ماانام علشان الناموس...هههههههه

نيجى لفيديو التعرف على الجهاز اولا...

وده فيديو كيفية اعدادات الجهاز

192.168.0.254

ADMIN

ADMIN

الفيديو كاملا..

تحياتى لكم شادى سوفت واتمنى افادتكم وتابعونا هانستعرض اجهزة ال 300 ميجا يوميا..

سعر الجهاز اعتقد فى حدود 200 الى 250 جنيه مصرى...

ليس عندى علم كامل بالسعر تستطيع الاستفسار من رقم المبيعات 01009661565