حل قوى جدا لاى حد دامج على روتر بورد والسرعة مش تمام...وتقدر توزع كمان على اى روتر بورد pcc شادى سوفت

السلام عليكم ورحمة الله وبركاته

الاخوة الكرام قبل كل شىء

بالله عليكم لو استفدت من موضوعى ده تدعى لوالدى محمد شطا بالرحمة والمغفرة

معدش باقى له فى الحياة غيرى وعلمى اللى بنشره علشان تدعوا لى بعد موتى وانتفع به

اللهم تغمده يارب العالمين برحمتك الواسعة

الشبكات اليومين دول بقت مش مظبطة!!!

شوية مشقلطة.. وشوية عسلية ..وشوية حمادة خالص

ام المشكلة فى المنبع؟..يعنى ايه.؟؟ يعنى الحنفية

لو الحنفية شغالة ولما احب افتح المحبس الاقى المياه تمام هاقدر املى القلل واشرب منها والناس اللى معايا

لو الحنفية عاوزة جلدة وعمالة شغالة لى فى الرى بالتنقيط يبقى هاتنقط انا ومشتركينى والجدع اللى يلحق..

انا مش بهزر انا بتكلم بجد

الشبكة الناجحة هى اللى فيها خطوط وافكار جديدة ويشترط تبقى الخطوط تمام تصفح وتحميل

وللاسف...

تروح تجيب لك 3 ولا 4 خطوط

وزى الامور تجرى تجيب روتر بورد

وتخش تولع لك على كوباية شاى طعمة كده

وتضرب الدش التمام

وتقعد بالبوكسر علشان الحر

وتجيب شرح من هنا وشرح من هنا

عامل فيها بقى ال7 رجالة ابو الخطوط راح وابو الخطوط جه

وهوووووووووووووووووووبا

الخطوط مش مخرجة السرعة كلها..احيه

طيب نجرب شرح فلان وفلان

مافيش احيه احيه احيه

ده انا كان عندى خطين 2 ميجا مجموعهم 4 ميجا

اتنصحت انا بقى وجبت كمان خطين يعنى 8 ميجا

ادمج بى سى سى بريدج ان تى اتش دبليو سى احيه احيه

كله فى الفاضى

يامصيبتى يانا ياما

الدش اللى ضربته راح وكوباية الشاى راحت والبوكسر خانقنى من الوان امه النحس؟؟

هاتعمل ايه بقى؟؟

هاترمى الخطوط دى فى الزبالة؟؟

طب هاتغير الروتر بورد يمكن وحش؟؟

طب يمكن فى السنترال والبوكس؟..

انا مسيبتش حد بيعرف فى الدمج الا ماجالى ومش نافع معايا اى حاجة؟...

ده واقع فعلا عاصرته فى شبكات كتير جدا

مشكلة فى احد الشبكات الراجل كان جايب خطين وتمام لما زود خطين كمان بقى المجموع كله 2 ميجا بس

اه والله 2 ميجا بس يعنى خط واحد من ال 4 بالرغم الدمج بيسحب من كل الخطوط

بس كل الخطوط كل واحد مطلع 512 بس؟..

مع انك لو حملت هاتحمل كل خط 2 ميجا سليم؟!!!

النهاردة باذن الرحمن

انا جايب لكم صورة من شبكة كان كل مجموع خطوطها على اى روتر بورد فى الدنيا

2 ميجا فقط من ال 8 ميجا

ناس كتير جدا راحت تحل المشكلة ورجعوا متعقدين فى الشبكات من الاساس!!!!

لانها مشكلة بنت حرام فعلا الناتج 2 ميجا فقط لاغير...

ودلوقتى انا هاسيب لكم صور النتيجة بعد شغلى وهاسيب لكم كمان الاسكريبت كامل

لكن فيه نقط احب اوضحها فى البداية

(1) الاسكريبت يدعم الدمج فقط او الدمج والتوزيع بدون اى اجراءات منك فى المانجل..يعنى تم

تخطى نقطة توثيق الهوتسبوت لان فكرة الاسكريبت قائمة على نوع اخر من الدمج غير مدرجة نهائيا

فى اى شرح مضى

(2) الاسكريبت يدعم الكاش الكامل مع الدمج او مع الدمج والتوزيع ولكن انا قافل مساحة الكاش نهائيا علشان

تقدر تشتغل عليه على اى روتر بورد حجمها صغير كفلاش ورام وذاكرة

الكاش تقدر تستغله فى اغلاق مواقع او دعاية مثل وضع اسم شبكتك مكان شعار جوجل..الخ

لو عاوز تشتغل بالكاش ده يبقى الدمج اعمله على كيسة وافتح مساحة الكاش

(3) الاسكريبت يعالج مشكلة رونج ايبى...رونج جيت واى..مالكى المواقع الهوست والسى بانل..الاف تى بى

(4) الاسكريبت يصلح لاى نوع روتر بورد ايا كان او كيسة كمبيوتر نسخ 5 فما فوق

(5) الاسكريبت يعالج مشكلة الساعة فى اى روتر بورد والتاريخ

تفضلو الصور

لو عندك اى مشكلة فى الدمج

اتفضل الاسكريبت ده فيه حل لكل مشاكلك وهايطلع كل سرعة خطوطك تمام

الاسكريبت

وتقدر توزع وتدمج من عليه كمان على اى روتر بورد زى ماتحب

وخد بالك انا مفعل الكاش لكن مش مخليه يكيش اى حاجة لو تحب تخليه يكيش يبقى على الكيسة مش روتر بورد علشان الرام بتاعها والحجم بتاع الفلاشة بتاعتها قليل

تنويه : الصور والفيديوهات في هذا الموضوع على هذا الموقع مستمده أحيانا من مجموعة متنوعة من المصادر الإعلامية الأخرى. حقوق الطبع محفوظة بالكامل من قبل المصدر. إذا كان هناك مشكلة في هذا الصدد، يمكنك الاتصال بنا من هنا.